Recomendacións lectoras para o verán.

 

Recomendacións de verán 2026 de MARÍA MARTÍNEZ

Proxecto Documental Integrado: O MAR.

PDI O MAR de MARÍA MARTÍNEZ

Novo recuncho: Estamos cambiando.

 Estreamos novo recuncho na biblioteca. Nesta ocasión trátase dunha caixa con libros sobre a adolescencia e os cambios que esta etapa implica. Como principalmente será empregada polo alumnado de máis idade, colocámola no corredor do segundo andar. Estavos agardando!

Libros sobre o espazo.

 Temos preparada esta caixiña de libros sobre eclipses e o espazo para acompañar a exposición que teremos este mes de xuño no centro sobre o eclipse solar deste verán. 

Día das Letras Galegas 2026: Begoña Caamaño.

A semana das Letras Galegas comezou en Zalaeta cun contacontos titulado "Begoña na procura da verdade" que se levou a cabo na galería para todo o alumnado dividido en tres quendas.  

Tamén para a conmemoración deste día, o alumnado preparou na aula de música tres cantigas tradicionais: "Catro vellos mariñeiros" (Infantil e 1º ciclo de Primaria), "O vello mentireiro" (2º ciclo de Primaria) e "Chiqui-chiqui de Lourido" (3º ciclo de Primaria). O venres 15 de maio, xuntámonos todos no patio para cantalas e, a maiores, cantamos unha cantiga de Uxía titulada "Begoñísima", dedicada á homenaxeada deste ano: Begoña Caamaño. 

O alumnado tamén investigou e preparou uns textos sobre homenaxeadas das Letras Galegas doutros anos e con eles decoraron o traxe galego que loce na entrada do centro.  

Maio, mes das flores.

 Para este mes de maio, mes das flores, temos unha exposición na porta da biblioteca centrada nas flores, nos xardíns e na natureza. 

Actividades do Día do Libro.

 O 23 de abril é o Día do libro e en Zalaeta tivemos moitas actividades para celebralo como se merece.

Comezamos a mañá cun conto musicado que o alumando de 6º de E.P. preparou para o alumnado de E.Infantil. 

Máis tarde, 4º, 5º e 6º de Primaria leulles contos ao alumnado de 4º, 5º e 6º de Infantil, respectivamente. 

E xa despois do recreo, todo o alumnado de Primaria saíu á rúa para facer recomendacións lectoras e ler preto do mar. Pasámolo xenial. Feliz Día do Libro! 

Exposición Día do Libro: Libros que falan de libros.

 

Día do Libro

 Estas son as actividades que temos preparadas para conmemorar o Día do Libro. Boas lecturas!

Golfi deixounos estas cartas para contarnos as actividades que imos facer para conmemorar este Día. 

Barco para decorar o centro coas portadas dalgúns dos nosos libros.

Instalación cos barcos de papel creados polo alumnado. Aínda que non se aprecia ben na imaxe, están decorados cos seus libros favoritos!

Encontro literario con Eva Mejuto.

 

Despois de ler "Queco e Kika" o alumnado de 4º de Educación Primaria tivo a oportunidade de ter unha conversa coa autora, Eva Mejuto. 

Encontro literario con Anxo Fariña.

O alumnado de 4º E.P. estivo lendo o libro "Escola Robot" de Anxo Fariña. A visita á nosa biblioteca foi ben interesante e quedamos ademais cun debuxo que fixo dun alumno. 

Día da poesía: 21 de marzo.

Selección de libros de poesía que colocamos no noso expositor para conmemorar o Día da Poesía. 

Este curso 5º e 6º estiveron lendo moita poesía da man do escritor Anxo Iglesias cos seguintes libros:

      

E recibimos a visita do autor á nosa biblioteca:

                                        

                                        

Día do cómic: 17 de marzo.

 

Maleta viaxeira.

O pasado venres recibimos unha maleta viaxeira. Trátase dunha maleta chea de libros informativos para diferentes idades e intereses que teremos durante un mes na nosa biblioteca. Podemos lelos alí ou levalos ás aulas para traballar ou ler, pero non podemos levalos en préstamo á casa. Boas lecturas!

Encontro literario con Anxo Iglesias.

Imaxes da visita do autor á biblioteca:

 

8M: Día da Muller.

 Colocamos no noso expositor algúns libros para aprender cousiñas en relación á conmemoración do Día da Muller. 

Encontro literario con Sabela Fernández Trelles.

Imaxes da visita da autora á biblioteca:

 

Encontro literario con María Canosa.

 

Imaxes da visita da autora á nosa biblioteca:

Novidades na biblioteca.

Aí temos algunhas das novidades da nosa biblioteca. Outras xa viaxan nas mochilas.  

Mochilas viaxeiras.

 As nosas mochilas viaxeiras están listas para viaxar! 

Día de Rosalía 2026.

 O vindeiro martes 24 de febreiro conmemoramos o Día de Rosalía. Aquí temos o noso expositor con libros da autora, para que poidades ler nas aulas ou na casa. 

Recuncho de lettering e de debuxo.

 Inauguramos unha nova sección na nosa biblioteca. Trátase dun recuncho de lettering e de debuxo. Poderedes vir a practicar cos libros, fichas e novos rotuladores que ten Golfi para vós. 

Entroido 2026.

 Para acompañar a festa de Entroido que teremos no centro o vindeiro venres, dende o equipo de biblioteca preparamos tamén unha pequena exposición con libros que temos sobre esta época do ano. 

Día escolar da non violencia e da paz.

 

Visita do Centro Oceanográfico da Coruña.

Enmarcada dentro do noso P.D.I. deste ano sobre o MAR, o pasado venres recibimos a visita de catro traballadoras do Centro Oceanográfico da Coruña. Acudiron a ela o alumnado de 3º, 4º, 5º e 6º de E.P. e foi unha visita moi práctica, entretida e ben interesante. Encantounos!