Aprender a buscar na rede

Dúas compañeiras das Bibliotecas do CEIP Milladoiro de Málpica e o IES Sánchez Cantón de Pontevedra, fixeron un traballo excelente para ensinarnos a buscar na rede.
Aquí podemos ver e imprimir os seus consellos e ante todo, dámoslles as grazas por compartilo con todos nós.

UN GATO NA ÁRBORE

XORNADAS DE LECTURA NA BIBLIOTECA

O vindeiro xoves, 7 de febreiro, Anail Pérez e Ana María Posso, de 5º de Primaria, lerá o conto titulado “Un gato na árbore”. 

PIDE A TÚA INVITACIÓN!

Fina Casalderrey na RAG

Recordades a Fina Casalderrey?

Estivo con nós o pasado curso para celebrar as Letras Galegas, pois agora acaba de ser nomeada membro da Real Academia Galega, todas as bibliotecas escolares de Galicia estamos moi contentas coa noticia, e nós aínda temos a súa visita moi recente, para que  vos acordedes picade na imaxe

http://bibliogolfi.blogspot.com.es/2012/04/visita-de-fina-casalderrey.html

Para saber máis sobre Fina Casalderrey visitade o seu blogue:
Blogue de Fina Casalderrey

DÍA DA PAZ

 

MANIFESTO POLA PAZ

O día escolar pola PAZ que conmemoramos hoxe, aniversario da morte de Gandhi, é unha moi boa ocasión para reflexionar sobre este tema transversal e por tanto obrigatorio pero que ás veces celebramos dun xeito anecdótico e sen darlle o seu verdadeiro valor.

Hoxe en día o mundo está asolado por loitas entre irmáns, pola fame e falta de traballo, por guerras sen motivo que destrozan terras, vidas, sentimentos...

Contra esta cultura da guerra debemos contrapoñer unha cultura de PAZ, unha cultura de convivencia baseada nos principios de liberdade, de xustiza e de democracia, de tolerancia e de silidareidade e fundamentalmente de respecto ós dereitos humanos.

É dicir, unha cultura que rexeite a violencia para buscar pola vía do diálogo e da negociación, unha solución dos problemas.

Nestes momentos nos que se percibe unha violencia nas aulas, e na sociedade téndese a culpabilizar á escola de que non educa para os problemas do noso tempo e fana responsable como institución e tamén ao seu profesorado de non saber frear a tempo estas tendencias.

Educar para a PAZ é tan necesario como difícil.

Construir a PAZ non consiste en reparar os danos, senón en evitar que se produzan, en levar a cabo unha acción preventiva.

E isto é posible se todos participamos desta tarefa, se cada un de nós fai da PAZ un asunto persoal.

O noso empeño, o de todos: pais, mestres, nenos e nenas.... está en axudar aos máis desfavorecidos, en aprender a vivir xuntos e a construir xuntos, a pesar dos desacordos e das diferencias.

O desenvolvemento para a PAZ,

e a PAZ para o desenvolvemento,

debe ser un, quizás o máis importante,

dos nosos obxectivos como educadores.

Fátima

       

A tartaruga que quería durmir

O pasado xoves, 24 de xaneiro puidemos escoitar de novo un conto en "BiblioGolfi", esta vez foron Natalia e Ximena as encargadas de facernos pasar un bo rato co conto: "A tartaruga que quería durmir"

Gustounos moito o como o fixechedes!

CONCURSO AEROPORTOS VERDES

O alumnado de 5º e 6º de Ed. Primaria, a raiz da visita ao aeroporto de Alvedro, participou no “Proxecto “Aeropuertos Verdes”. Xa están publicados na páxina web www.aeropuertosverdes.es , na sección retos por equipos, todos os traballos presentados polos colexios que participaron este curso no “Proyecto Aeropuertos Verdes”.

 Dado que un dos criterios para seleccionar ao equipo gañador será o número de votos recibidos, ANIMÁMOSVOS A QUE VOTEDES os traballos do noso alumnado. Grazas pola vosa colaboración.

Recomendación de regalos Navideños

As bibliotecas municipais fannos algunha suxestión sobre o que podemos regalar neste Nadal:

Guia historias de regalo from Bibliotecas Municipais de A Coruña

NOVA XORNADA DE LECTURA NA BIBLIOTECA

O próximo mércores día 12 de decembro, ás 11.50 horas, celebraremos outra xornada de lectura na bibliteca.

Mª José Peña e Laura Peña, de 5º de EP, contarannos o libro: "As dentaduras de Paco Palma"

ESPERAMOS QUE VOS GUSTE!

"PETRA" por Sofía Sobrino

XORNADAS DE LECTURA NA BIBLIOTECA Iniciamos as xornadas de lectura na Biblioteca. O vindeiro luns, 3 de decembro, Sofía Sobrino, de 5º de Primaria, lerá o conto titulado “Petra”.

 

PIDE A TÚA INVITACIÓN!

LECTURAS NA BIBLIOTECA

O próximo mes de decembro iniciaremos as lecturas en voz alta en Bibliogolfi. Aquelas alumnas e alumnos que queiran apuntarse poden pasar calquer luns na hora do recreo para elixir o libro e fixar a data de lectura. ANIMADEVOS!

Benvida ao novo curso

Por fin!! Apertura de BIBLIOGOLFI Aquí estamos de novo os usuarios e usuarias da Biblioteca do cole, outra vez cambiamos de ubicación, e ainda nos falta algúns detalles para estar totalmente colocada a biblioteca, pero xa imos a utilizala a pleno funcionamento.

• Os luns, no recreo a biblioteca permanecerá aberta para todo o alumnado que queira vir traballar, ler ou consultar os ordenadores.
• No mes de decembro iniciamos as lecturas en voz alta.

Vos manteremos informados das novidades e esperamos vervos o luns.

Concierto solidario

Como podedes comprobar a continuación todos podemos aportar o noso gran de area para axudar aos que menos teñen, esta é a meneira de facelo dun grupo de músicos, chámanse "Voces para la Paz" Aquí vos deixo un vídeo dun concierto deles

Ler non é clandestino

Os alumnos e alumnas do IES Chano Piñeiro de Forcarei (Pontevedra) fixeron este vídeo para animarnos a todos a seguir utilizando as bibliotecas e continuar lendo. Espero que vos guste.

Guía de árbores do Campo de Marte

Os alumnos e alumnas de 5º e 6º de E.P. traballaron sobre as árbores do Campo de Marte e este é o resultado do seu traballo: Guia árbores do Campo Marte PARABÉNS POLO VOSO TRABALLO!

Semana das Letras Galegas 2012

Hai uns días que estamos traballando para celebrar o Día das Letras Galegas 2012, que xa sabedes que este ano está adicado a Valentín Paz Andrade. Para o venres 25 faremos o acto de conmemoración no cole, aquí tedes todas as actividades que faremos.

Programa de actividades

• Día 14 de maio de 2012: Convocatoria do concurso de contos e debuxos coa temática xeral de: O Campo de Marte.

• Día 14 de maio de 2012: Inauguración da exposición de carteis sobre Valentín Paz Andrade nas escaleiras do centro.

• Días 21 ao 25 de maio de 2012: Exposición de libros escritos en Galego.

• Día 25 de maio de 2012: celebración do día das Letras Galegas:

  • Lectura dunha pequena biografía de Valentín Paz Andrade.

  • Lectura dos contos premiados do 2º ciclo de E.P.

  • Entrega de premios do concurso de contos e debuxos.

  • Agasallo dun marcapáxinas para todo o alumnado.

  • Presentación do traballo elaborado para o programa Voz Natura:

    • Guia de árbores do Campo de Marte elaborada polos alumnos/as de 5º e 6º de Primaria.

    • Entrega dun tríptico sobre as árbores do Campo de Marte.

    • Entrega dun desplegable sobre as árbores e as súas partes para o alumnado de E.I. E 1º ciclo de E.P.

• Concerto de gaita por parte de Saturno , avó do alumno de 4º de E.I Nicolás.