Ola ami@s,
Hoxe, 24 de febreiro, conmemórase o Día de Rosalía pois nun día así hai 184 anos naceu esta figura esencial do Rexurdimento galego. Conscientes da trascendencia da súa figura, no CEIP de Zalaeta quixemos darlle o noso particular homenaxe a unha muller que loitou, a través das súas verbas, pola liberdade, en tódolos seus sensos.
Unha aperta,
Golfi
Ola amig@s,
Xa chegou o Entroido ao noso cole! Este ano, a pesares das limitacións que impón o COVID, non queríamos deixar de celebrar esta festa tan importante da cultura e tradición galega. Así que, aproveitando a investigación que estamos a facer sobre a Costa da Morte e a ruta dos faros que a percorre para poder atopar ao noso náufrago perdido, decidimos que a temática dos nosos disfraces fose a mar e todo o universo natural e máxico que hai arredor dela.
Medusas, cabaliños de mar, estrelas mariñas, piratas, mariñeiros, náufragos...Pasen e vexan o ben que o pasamos e as estupendas coreografía dos nosos nenos e nenas neste flashmob do máis mariñeiro.
Apertas,
Golfi
Esta mensaxe vai dirixida ao alumnado de 3º, 4º, 5º e 6º de Educación Primaria. Convídovos a participar nun concurso para renovar a imaxe do blogue da biblioteca.
Gustaríame que me debuxárades no lugar onde vos imaxinades que estou sempre ou naquel que quixérades que estivera.
O debuxo gañador será a nova imaxe do noso blogue.
Tedes ata o 19 de frebreiro para entregar ás vosas propostas aos vosos/as titores/as que deberá ser en formato A5 apaisado.
Mergulládevos nun mar de ideas e... A crear!
Golfi
