Estreamos novo recuncho na biblioteca. Nesta ocasión trátase dunha caixa con libros sobre a adolescencia e os cambios que esta etapa implica. Como principalmente será empregada polo alumnado de máis idade, colocámola no corredor do segundo andar. Estavos agardando!
Temos preparada esta caixiña de libros sobre eclipses e o espazo para acompañar a exposición que teremos este mes de xuño no centro sobre o eclipse solar deste verán.
A semana das Letras Galegas comezou en Zalaeta cun contacontos titulado "Begoña na procura da verdade" que se levou a cabo na galería para todo o alumnado dividido en tres quendas.
Tamén para a conmemoración deste día, o alumnado preparou na aula de música tres cantigas tradicionais: "Catro vellos mariñeiros" (Infantil e 1º ciclo de Primaria), "O vello mentireiro" (2º ciclo de Primaria) e "Chiqui-chiqui de Lourido" (3º ciclo de Primaria). O venres 15 de maio, xuntámonos todos no patio para cantalas e, a maiores, cantamos unha cantiga de Uxía titulada "Begoñísima", dedicada á homenaxeada deste ano: Begoña Caamaño.
O alumnado tamén investigou e preparou uns textos sobre homenaxeadas das Letras Galegas doutros anos e con eles decoraron o traxe galego que loce na entrada do centro.
Para este mes de maio, mes das flores, temos unha exposición na porta da biblioteca centrada nas flores, nos xardíns e na natureza.
O 23 de abril é o Día do libro e en Zalaeta tivemos moitas actividades para celebralo como se merece.
Comezamos a mañá cun conto musicado que o alumando de 6º de E.P. preparou para o alumnado de E.Infantil.
Máis tarde, 4º, 5º e 6º de Primaria leulles contos ao alumnado de 4º, 5º e 6º de Infantil, respectivamente.
E xa despois do recreo, todo o alumnado de Primaria saíu á rúa para facer recomendacións lectoras e ler preto do mar. Pasámolo xenial. Feliz Día do Libro!
Estas son as actividades que temos preparadas para conmemorar o Día do Libro. Boas lecturas!
Colocamos no noso expositor algúns libros para aprender cousiñas en relación á conmemoración do Día da Muller.
